သူမရဲ့ အနုပညာသက်တမ်း နှစ် ၂ဝ ကျော်မှာ တခါမှအဆဲ မခံခဲ့ရဘူးဆိုတဲ့ ခင်ဇာခြည်ကျော်

Posted on

အရင်တုန်း ကတည်းက လှပပြီး ဆွဲဆောင်မှုရှိတဲ့ မင်းသမီး တယောက်ဖြစ်တဲ့ ခင်ဇာခြည်ကျော် ကတော့ လက်ရှိချိန်မှာတော့ Single Mother တယောက်အနေနဲ့ ရပ်တည်နေပြီး ချစ်စရာကောင်းတဲ့ သားနဲ့သမီးလေး ကို ပိုင်ဆိုင်ထားတာ ဖြစ်ပါတယ်။ အနုပညာလောကထဲ ဝင်ရောက်လာပြီ ဖြစ်တဲ့ သူ့ရဲ့သားသမီးတွေနဲ့ ပတ်သက်ပြီး ခင်ဇာခြည်ကျော်ကတော့ ဘယ်လိုတွေ ဆုံးမဖြစ်လဲဆိုတာကို ပြောသွားသလို ဝေဖန်မှုတွေကိုလည်း ဘယ်လို ရင်ဆိုင်လည်းဆိုတာကို ပြောကြားသွား ခဲ့ပါတယ်။

ခင်ဇာခြည်ကျော်ကတော့ ဝေဖန်တိုက်ခိုက်မှုတွေကို ဘယ်လို ရင်ဆိုင်လဲဆိုတဲ့ အပေါ်မှာတော့ “ကိုယ်က အနုပညာရှင်လည်း ဖြစ်တော့ သည်းခံရတာပေါ့။ တခုခုဆိုရင် အခုခေတ်က အွန်လိုင်းမှာ ဆဲမယ်ဆိုတာက များတယ်လေနော့်။ အစ်မ တယောက်ထဲဆို အရင်က အစ်မလျောက်လာတဲ့ အနုပညာသက်တမ်း နှစ် ၂၀ လုံးမှာ အမ ဆဲခံရတာ မရှိဘူး။ အခုတော့ သားတွေ သမီးတွေ ရလာပြီဆိုတော့ သူတို့နဲ့ ပတ်သက်ပြီးတော့ ရှိတာပေါ့။ တခါတလေလည်း ကိုယ်ခံရတာတွေရှိတော့ အနုပညာသမားဆိုတော့ နားလည်ပေးရတာပေါ့။ ကိုယ်သည်းခံပေးရတာပေါ့”

သားသမီးတွေကို ဘယ်လိုဆုံးမဖြစ်လဲဆိုတဲ့ အပေါ်မှာတော့ “သူတို့တွေက အကြီးကြီးတွေတော့ မလုပ်ရသေးပါဘူး။ ကလေးလေးပဲ ရှိကြသေးတာဆိုတော့ တခုခုဆို သူတို့က မခံစားနိုင်ကြသေးတာပေါ့။ အဲ့လိုဆိူ နှစ်ရက်လောက် အခန်းထဲက မထွက်တာတို့ဘာတို့ ပေါ့။ အဲ့လိုဆို ကိုယ်ကပြောပြရတယ်။ အနုပညာသမား တယောက် ဖြစ်ဖို့ဆိုတာ လွယ်တာ မဟုတ်ဘူး။ အနုပညာရှင်တယောက်အဖြစ် လုပ်ဖို့ဆိုတာ ဘယ်လိုမှ မလွယ်နေဘူးပေါ့။ သရုပ်ဆောင်ကောင်းသလို ပရိသတ်တွေ ချစ်အောင်လည်း နေတတ်ရတယ်ပေါ့။ သွားတာလာတာက အစပေါ့။ နောက်ပြီးတော့ ဝေဖန်မှုတွေကိုလည်း ခံနိုင်အောင် ပြောထားတာပေါ့”

Tik Tok လေးတွေဆော့ဖြစ်တာနဲ့ ပတ်သက်ပြီး “အသက်ကြီးတာတွေ ငယ်တာတွေ မရှိဘူးပေါ့နော်။ နောက်ပြီးတော့ အဲ့ဒါဆော့လိုက်ရင် စိတ်လန်းဆန်းပြီးတော့ ပေါ့သွားသလိုလိုပေါ့။ တခါတလေကျတော့လဲ။ အနုပညာသမားဆိုတော့ ပိုဆိုးတာပေါ့။ နောက်ပြီး စဆော့ဖြစ်တဲ့ အကြောင်းရင်းကလည်း သားသမီးတွေပေါ့။ သမီးကစတာ သားကတော့ မဆော့ပါဘူး။ သမီးက ခေါ်ရိုက်တာနဲ့ သားအမိတွေ ဆုံရင်တော့ ဆော့ဖြစ်ပါတယ်။” ဆိုပြီး Tik Tok ဆော့ဖြစ်တဲ့ အကြောင်းလေးကိုလည်း ပြောကြားသွား ခဲ့ပါတယ်။ ပရိသတ်ကြီး လည်း ခင်ဇာခြည်ကျော်တို့ မိသားစုကိုတော့ အားကျကြမယ် ထင်ပါတယ်။

Source ; Nanmalgyi

Leave a Reply

Your email address will not be published. Required fields are marked *