“ထားဝယ်မြို့သမိုင်းဝင် …” ရှင်ကိုးရှင် ဘုရားများ နှင့် သမိုင်းကြောင်း “”

Posted on

“ထားဝယ်မြို့သမိုင်းဝင် …” ရှင်ကိုးရှင် ဘုရားများ နှင့် သမိုင်းကြောင်း “”

” ရှင်ကိုးရှင် ဘုရားများ…. ”

ထားဝယ်ဒေသ ၏ အထင်ကရ ဘုရားများ တွင် ရှင်ကိုးရှင် စေတီဘုရားများသည် အဓိကလည်ပတ်စရာ ဖူးမျှော်စရာ ဘုရားများဖြစ်ပါသည်။ ရှင်ကိုးရှင် ဘုရာများမှာ ရှင်တောင့်ပုံ၊ ရှင်မော်၊ ရှင်ဆံတော်၊ ရှင်မုတ္ထီး၊ ရှင်တောက်ထိန်၊ ရှင်ဇလွန်၊ ရှင်ပင်ခရု၊ ရှင်ဥသြ၊ ရှင်ဓါတ်ဝဲ ဘုရားများဖြစ်ပါသည်။ ထားဝယ်ဒေသသို့ရောက်ခဲ့ပါက မဖူးမဖြစ်ဖူးရမည့် စေတီဘုရာများဖြစ်ပါသည်။

ရှင်တောင့်ပုံ
**********

ရှင်တောင့်ပုံစေတီတော်သည် ထားဝယ်မြို့မှ (၁၆)မိုင် အကွာတွင်တည်ရှိပြီး ထားဝယ်-မြိတ် ကားလမ်းနံဘေး သရက်ချောင်းမြို့တွင် တည်ရှိပါသည်။

သမိုင်းကြောင်း
***********
ရှေးတုန်းက မုဆိုးအကျော် မောင်နွားနှင့် တပည့်ကွာစိ ဆိုတာရှိတယ်။ မုဆိုးမောင်နွားတို့ နေထိုင်တဲ့ ဆင်ဖြူကျွန်းရွာအထိ အာဏာစက်ပြန့်တဲ့ မင်းကြီးက ရန်တပိုမင်း ခေါ် ရာဇာတဗိုလ်မင်း ပါတဲ့။ ထိုမင်း နန်းစိုက်ရာမြို့က ဘူမိဒေဝနဂရမြို့ဖြစ်တယ်။ ရန်တပိုမင်းလက်ထက်မှာ ဆင်ဖြူရှင် လက်ဝယ်ပိုင်ဆိုင်ခဲ့တဲ့အတွက် မူလနာမည်ပျောက်ပြီး ဆင်ဖြူရှင်မဟာနရိန္ဒမင်းရယ်လို့ ဘွဲ့နာမည်တွင်သွားတယ်။

တစ်ခါတော့ နရိန္ဒမင်းရဲ့ မိဖုရား စုမဒ္ဒီဒေဝီဟာ ခြွေရံသင်းပင်တွေနဲ့ တောတောင်သာယာပုံကို လှည့်လည်ကြည့်ရှုရင်း ရွှေရောင်အဆင်းရှိတဲ့ ဥဒေါင်းမင်းကို တွေ့လိုက်တယ်။ နှစ်သက်လွန်းလို့ ဖမ်းယူမွေးလိုလှတာကြောင့် နရိန္ဒမင်းကို ပူဆာတယ်။ မင်းကြီးက မုဆိုးအကျော်အမော်တွေကို စုံစမ်းတော့ ဆင်ဖြူကျွန်းရွာမှာ နေထိုင်တဲ့ မုဆိုးမောင်နွားသတင်းကို ရတယ်။ မုဆိုးမောင်နွားကို ဆင့်ခေါ်ပြီး ဥဒေါင်းမင်းကို ဖမ်းခိုင်းတော့တာပေါ့။

မောင်နွားဟာ လေးမြားလက်နက်၊ ပိုက်ကွန်၊ ညွှတ်ကြီးညွှတ်ငယ် အသွယ်သွယ်ရယ်၊ ဒေါင်းပျိုမလေးတစ်ကောင်ရယ်ကို ယူပြီး တပည့်ကွာစိနှင့်အတူ ရွှေဥဒေါင်း ရှာပုံတော်ဖွင့်တော့တယ်။ ရွှေဥဒေါင်းမင်းရဲ့ စားကျက်ကို ခြေရာကောက်မိတာနဲ့ ထောင်ခြောက်တွေထောင်ပြီး ဒေါင်းပျိုမလေးနဲ့ ဖြားယောင်းတယ်။ ရွှေဥဒေါင်းနှင့် အခြားဥဒေါင်းပျိုများဟာ ဒေါင်းပျိုမလေးကို တွေ့တော့ တက်မက်စိတ်နဲ့ ထောင်ခြောက်ထဲ တိုးမိကြတယ်။ ရွှေဥဒေါင်းမင်းဟာ ထောင်ခြောက်မှန်း သိတာနဲ့ တပြိုင်နက် ဥဒေါင်းပျိုတို့ကို ပြိုင်တူရုန်းစေရာ ညွှတ်တိုက်ပြုတ်ပြီး လွတ်ကြကုန်တယ်။ မုဆိုးဆရာတပည့်နှစ်ယောက်သား ရွှေဥဒေါင်းနောက် လိုက်ပေမယ့် တစ်နေရာရောက်တော့ ခြေရာပျောက်ပြီး လွတ်သွားတယ်။ ထိုနေရာကို ဒေါင်းပျောက်ရွာ လို့ ခေါ်ကြတယ်။ ခုတော့ တောင်ပျေက်ရွာလို့ ခေါ်ကြတယ်။

မုဆိုးမောင်နွားတို့ဟာ မင်းပြစ်ဒဏ်ကြောက်လှတဲ့အတွက် နေရပ် မပြန်တော့ဘဲ ဒေဝပဗ္ဗတတောင်ပေါ်သို့ တက်ရောက်ပုန်းအောင်းနေတယ်။ တောင်ပေါ်မှာ သီတင်းသုံးတဲ့ ဂိရိပစ္စယရသေ့ကြီးနှင့် တွေ့ဆုံပြီး တရားစကား နာကြားခွင့် ရခဲ့တယ်။

” ဂိရိပစ္စယ” ရှင်ရသေ့ကြီးနှင့် တွေ့ပြီး ရှင်ရသေ့ကြီး၏ တရားဓမ္မ ဟောပြ၍ စိတ်နှလုံး နူးညံ့စေပြီး မုဆိုးမောင်နွားလည်း တရားနှစ်သက်သဖြင့် လေး၊ မြား၊ ပိုက်ကွန် လက်နက်ကိရိယာထည့်သော မုဆိုးတို့အသုံး တောင့်၊ ပလုံးတို့ကို စုပုံ၍ မီးရှို့ပြီး ရသေ့လုပ်လေသည်။ ဆရာရသေ့က မူလ မောင်နွားနာမည် မပျောက်ရလေအောင် ဂေါဝိန္ဒဘွဲ့နာမည် ပေးခဲ့ပါတယ်။

တပည့် ကွာစိ လည်း ဖိုးသူတောင် လုပ်လေသည်။ မုဆိုး၏ အသုံးအဆောင် လက်နက်ကိရိယာထည့်သော တောင့်၊ ပလုံးတို့ကို ပုံ၍ မီးတိုက်ရှို့သော နေရာ၌ အထိမ်းအမှတ်ဖြင့် စေတီတည်ပြီး ၎င်းစေတီတော်ကို ရှင်တောင့်ပုံစေတီဟု ရှေးအခေါ်မပျက် ထင်ရှားတည်ရှိလျက်ရှိပါသည်။

ရှင်တောင့်ပုံတောင်သည် အမြင့်ပေပေါင်း ၂၀၀၀ ခန့်ရှိ၍ ရှေးအခါက တောင်တက်လမ်းတစ်မိုင်ခန့်မှာ လမ်း၏ ၃ ပုံ ၁ ပုံ ခန့်မျှသာ ပြေပြစ် ၍ ကျန် ၂ ပုံမှာ မတ်စောက်သဖြင့် အဖိုးကြီး၊ အဖွားကြီးများနှင့် တက်နိုင်စွမ်းမရှိသူတို့အတွက် တောင်ပေါ်ရှိ တောင်စောင့်နတ်ကြီးအား ကိုးကွယ်ပူဇော်ကာ ဆုတောင်းဆုယူပြုကြစေရန် ထိုလမ်း၏ ၃ ပုံ ၁ ပုံ ခန့် နေရာ၌ ယာယီနတ်ကွန်း ဆောက်လုပ်ထားရှိလေသည်။ ယခုအခါ နတ်ကွန်မှာ တောင်ပေါ်တွင် ဖြစ်ပါသည်။

သွားလာမှုအဆင်ပြေစေရန်အတွက် တောင်ပေါ်ကားလမ်းများ ယခုအခါဖောက်လုပ်ထားပြီး ကားများဖြင့် တောင်ပေါ်ထိတက်၍ ဖူးမျှော် ကြည်ညို နိုင်ပါသည်။
—————
ရှင်မော်
******

ရှင်မော်တောင်စေတီသည် ထားဝယ်မြို့မှ တောင်ဘက် မိုင် ၄၀ ကွာဝေးသော ထားဝယ်မြစ်ဝ ရှင်မော်တောင်အငူစွန်းတွင် တည်ထားလျက်ရှိပါသည်။ ယခင်က လှေသင်္ဘောများဖြင့်သာ သွားရောက်ပူဇော်နိုင်ပြီး ယခုအခါ တောင်ပေါ်ထိကားလမ်း ဖောက်လုပ်ထားရှိပါသည်။ နဂါးမင်းကြီး၏တူတောင် နဂါးစစ်သူကြီးဖြစ်သည့် ”ဝါသုလဒေဝ” ကိုးကွယ်လျက်ရှိသည့် ရှင်တော်မြတ်စွာ၏ လက်ျာအံတော်မြတ်ကို ဌာပနာ ကိုးကွယ်ထားသော စေတီတော်တစ်ဆူ ဖြစ်ပါသည်။ ပင်လယ်ဝတွင် တည်ရှိသဖြင့် သဘာဝပတ်ဝန်းကျင် သာယာလှပသော စေတီတစ်ဆူဖြစ်ပါသည်။

သမိုင်းကြောင်း
***********
သက္ကရာဇ် ၂၃၅ခုတွင် နဂါးစစ်သူကြီး ဝါသုလဒေဝသည် ဘောဂဝတီနဂါးပြည်တွင် ကိန်းဝပ်စံပယ်နေသော မြတ်ဗုဒ္ဓ၏ လယ်ယာအံတော်ကို ပတ္တမြားကြုတ်ဖြင့် ပင့်ဆောင်ကာ ရှင်မော်တောင်ရှိ လင်းလွန်းပင်ခွကြားတွင် ဝှက်ကာ တစ်ကိုယ်တည်း ပူဇော်မှု ပြုတယ်။

ထိုတောင်သို့ သာသနာပြုရန်အတွက် မဟာဗန္ဒဝနှင့် စူဋ္ဌဗန္ဒဝ အမည်ရ ရဟန္တာနှစ်ပါး ကြွချီလာကြရင်း ပတ္တမြားကြုတ်ကို တွေ့ရှိလေသည်။ အံတော်ကြုတ်ကို ဌာပနာပြီး စေတီတည်ရန်အတွက် ရဟန္တာနှစ်ပါးမှ ကောရမ္ဗမင်း၊ ဓမ္မသေနမင်း၊ နဂါးမင်းတို့အား ဖိတ်ခေါ်ပြီး တိုင်ပင်ဆွေးနွေးကြတယ်။ သက္ကရာဇ် ၂၃၈ခု တပါင်းလပြည့်နေ့တွင် အံတော်အား ဌာပနာပြီး ရှင်မော်တောင်စေတီကို တည်ခဲ့ကြပါတယ်။

ကောဇာသက္ကရာဇ် ၄၆၈ခုမှာ အလောင်းစည်သူမင်းကြီးသည် ဖောင်စကြာလှည့်ရင်း ရှင်မော်စေတီကို ဖူးရတယ်။ စေတီကို ရွှေသင်္ဃန်းကပ်လှူခြင်း၊ အထက်နားတွင် ဖောင်တော်ဦးစေတီတစ်ဆူတည်ခြင်း ပြုလုပ်ခဲ့တယ်။ ကောဇာသက္ကရာဇ် ၅၆၆ခုမှာ နရပတိစည်သူမင်းဟာ ရှင်မော်စေတီနှင့် ဖောင်တော်ဦးစေတီကို ရွှေသင်္ဃန်းကပ်လှူခြင်း၊ ရှင်မော်စေတီအောက်နားတွင် မော်ဦးစေတီတစ်ဆူ တည်ထားလှူဒါန်းခြင်းတို့ ပြုလုပ်ခဲ့ပါသေးတယ်။
—————————————–

ရှင်ဆံတော် ( ခေါ် ) ကလိန်အောင်ဆံတော်ရှင်စေတီ
**************************************

ရှင်ဆံတော်စေတီသည် ထားဝယ်မြို့မှ မြောက်ဘက် ရေးမြို့အသွား ကားလမ်း (၄၇)မိုင်အကွာတွင် တည်ရှိသည်။ ကလိန်အောင်မြို့နယ်ခွဲ အနောက်ဘက် ထားဝယ်မြစ်ကမ်းဘေး တောင်ပေါ်တွင်တည်ရှိသည်။ ရှင်ဆံတော် ကလိန်အောင်ဆံတော်ရှင်ဘုရားသည် နေ့ကောင်းရက်မြတ်များတွင် တစ်နေ့နှစ်ကြိမ် (သို့) သုံးကြိမ်အထိ ရောင်ခြည်တော်များ ကွန့်မြူးလျက်ရှိကြောင်း တွေ့ရသည်။ ဂေါတမ မြတ်စွာဘုရား၏ ဆံတော်ရှင်ကို ဌာပနာထည့်သွင်း ပူဇော်ထားသော စေတီတော်ကြီးတစ်ဆူဖြစ်ပါသည်။ဘုရားပွဲတော်ကို နှစ်စဉ် တပို့တွဲလပြည့်နေ့တိုင်းမှာ ကျင်းပလေ့ရှိတယ်။

သမိုင်းကြောင်း
*************
ဗုဒ္ဓအဖြစ်ရောက်တော်မူပြီး ၁၁ ဝါမြောက်တွင် ဂေါတမမြတ်စွာဘုရားသည် ဝေမိဿကတောင်သို့ ဈာဉ်ဖြင့် ကြွချီတော်မူတယ်။ ထိုတောင်မှာ ဂဝံပတေ့ရသေ့၊ ဒူရကနတ်သားနှင့် ကုမ္ဘဏ္ဍဘီလူးတို့ မှီတင်းနေထိုင် ကြတယ်။ မြတ်စွာဘုရားအား ဦးစွာဖူးတွေ့သူမှာ ကုမ္ဘဏ္ဍဘီလူးဖြစ်ပြီး၊ ဒုတိယ ဖူးရသူမှာ ဂဝံပတေ့ရသေ့ဖြစ်ကာ နောက်ဆုံး ဖူးရသူမှာ ဒူရကနတ်သား ဖြစ်တယ်။ မြင်ရရုံဖြင့်ပင် သဒ္ဒါတရား ထက်သန်လာသောကြောင့် သစ်သီးသစ်ဥတို့ဖြင့် ပူဇော်မှု ပြုကြတယ်။ မြတ်ဗုဒ္ဓသည် သစ်သီးဆွမ်းတို့ကို ဘုန်းပေးပြီးနောက် သင့်လျော်ရာ တရားကို ဟောကြားတော်မူသည်။ ဒေသနာအဆုံးမှာ ဂဝံပတေ့ရသေ့သည် ရဟန္တာ ဖြစ်တော်မူတယ်။ ကျွတ်ထိုက်သူအား ခြေချွတ်နိုင်ပြီဆိုတော့ မြတ်ဗုဒ္ဓလည်း မစ္ဇျိမဒေသကို ပြန်ကြွတော့မယ်ပေါ့။ ဒူရကနတ်သားက မြတ်ဗုဒ္ဓကိုယ်စား ကိုးကွယ်ရန် ချီးမြှင့်ပေးပါလို့ တောင်းပန်လျှောက်ထားတယ်။ မြတ်စွာဘုရားမှ ဆံတော် သုံးဆူ ပေးအပ်ပြီး ဝေမိဿကတောင်၏ မြောက်ဘက်ရှိ ဝေဿဝဏ္ဏတောင်ကုန်းမှာ ဌာပနာပြီး စေတီတည်ဖို့ မိန့်ကြားခဲ့တယ်။

မြတ်ဗုဒ္ဓ ပြန်ကြွသွားပြီးနောက် ဒူရကနတ်သားနှင့် ကုမ္ဘဏ္ဍဘီလူး တို့သည် နတ်မင်းကြီးလေးပါးနှင့်အတူ စေတီတည်ကြတယ်။ ဗုဒ္ဓဆံတော် သုံးဆူကို ပတ္တမြားကြုတ်အတွင်းမှာထည့်ပြီး နတ်မင်းကြီးလေးပါး ဆောင်ယူလာခဲ့တဲ့ နဝရတ်ကိုးပါးချယ် ရွှေပန်းတောင်းပေါ်မှာ စံပယ်စေတယ်။ ထို့နောက် ဝေဿဝဏ္ဏတောင်ကုန်းထိပ်မှာ စောက်အနက် အတောင် ၄၀၊ အလျားအကျယ် အတောင် ၃၀ ရှိတဲ့ တွင်းတစ်တွင်း တူးကြတယ်။ တွင်းထဲက ကျောက်စားပွဲချပ်ပေါ်မှာ ရွှေပန်းတောင်းကို တင်ပြီး ဆံတော်၃ဆူကို ဌာပနာတယ်။ ဌာပနာတိုက်ကို ငုံပြီး ရွှေသားအတိနဲ့ စေတီငယ်တစ်ဆူ တည်တယ်။ ရတနာထီးဖြူဖြင့် ရွှေစေတီကို အုပ်မိုးထားလိုက်တယ်။ ပြီးမှ ကျောက်တုံးကြီးငယ် အသွယ်သွယ်ဖြင့် ကာရံကာ ဥာဏ်တော် ၁၅တောင်မြင့်တဲ့ ကျောက်စေတီကို တည်တော်မူတယ်။

ကျောက်စေတီတည်ပြီးနောက် နှစ်အနည်းငယ်ကြာသော် ကုမ္ဘဏ္ဍဘီလူး ကွယ်လွန်သွားတယ်။ ကောင်းမှုကံကြောင့် သထုံပြည့်ရှင် သီဟရာဇာမင်းကြီး၏ သားတော်ကြီးအဖြစ် ဖွားတော်မူတယ်။ အရွယ်ရောက်သော် ဘာနုရာဇာဘွဲ့ဖြင့် ထီးနန်းဆက်ခံလေတယ်။ မြတ်ဗုဒ္ဓ ပရိနိဗ္ဗာန်စံပြီးနောက် တစ်နှစ်အကြာမှာ ဒူရကနတ်သားလည်း နတ်သက်ကြွေပြန်တယ်။ ဘာနုရာဇာမင်း၏ သားတော်အဖြစ် ပြန်လည်မွေးဖွားခဲ့တယ်။ မင်းသားလေး အရွယ်ရောက်တော့ ကလိန်အောင်မြို့ဆိုပြီး မြို့သစ်တည်ကာ ရာဇာနရုတိဘွဲ့ဖြင့် မင်းအဖြစ် ခံယူတော်မူတယ်။

နရုတိမင်းကြီးသည် သာသနာသက္ကရာဇ် ၂၄ခု၊ ပြာသိုလဆန်း ၂ရက်နေ့မှာ ဝေဿဝဏ္ဏတောင်ကုန်းမှာရှိတဲ့ ကျောက်စေတီကို ဖြိုပြီး ဌာပနာတိုက် ပြန်ဖွင့်တယ်။ ထိုနှစ် တပေါင်းလပြည့်နေ့မှာ ပတ္တမြားကြုတ်ကို ဖွင့်ပြီး ဗုဒ္ဓ၏ဆံတော်သုံးဆူကို အမွေးနံ့သာတို့ဖြင့် ပူဇော်ကြတယ်။ အားရအောင် ပူဇော်ပြီးသော် ဌာပနာတိုက်အတွင်းသို့ ပတ္တမြားကြုတ်နှင့်အတူ နရုတိမင်းနှင့် မိဖုရားပုံတူ ရွှေရုပ်တုများ၊ နရုတိမင်း၏ ဘိုးတော်၊ ဘွားတော်၊ ခမည်းတော်၊ မယ်တော်တို့၏ ပုံတူ ရွှေရုပ်တုများ၊ နရုတိမင်း၏ သားတော်အိမ်ရှေ့မင်း၏ ပုံတူရွှေရုပ်တု၊ ဗုဒ္ဓရုပ်ပွားတော် အမျိုးမျိုး၊ ဌာပနာတိုက် အစောင့်အရှောက် အလို့ငှာ ဝိဇ္ဇာရုပ်တုများ ထည့်သွင်းပြီး ဌာပနာတိုက်ကို ပြန်ပိတ်လိုက်တယ်။ ပြီးမှ အပေါ်ကနေ ငုံပြီး စေတီပြန်တည်ပါတယ်။ ကလိန်အောင်ရှင်ဆံတော်စေတီရဲ့ သမိုင်းအကျဉ်း ဤတွင် ပြီးတယ်ပေါ့။
———————————

ရှင်မုတ္ထီး
******

ရှင်မုတ္ထီးဘုရားသည် ထားမှ မြိတ် ကာလမ်း (၆)မိုင်အကွာ ရှင်မုတ္ထီးရွာကြီးတွင် တည်ရှိသည်။ သီဟိုဋ္ဌ်ကျွန်းကို အစိုးရတော်မူသော မဟာနာမမင်း မှ မျှောလွှတ်တော်မူသော ဂေါတမမြတ်စွာဘုရား၏ ဓါတ်တော်သွင်းထားသော ရုပ်ပွားတော်မြတ်လေးဆူသည် ရှင်မုတ္ထီးဘုရား၊ ရွှေမုဌောဘုရား၊ ကျိုက်ပေါလောဘုရား၊ ကျိုက္ခမီ ရေလယ်ဘုရား များဟုရေးသားထားရှိပါသည်။ ထိုဘုရားလေးဆူထဲမှ ထားဝယ်မြို့ ရှင်မုတ္ထီးရွာကြီး တွင် တည်ရှိသော ရှင်မုတ္ထီး ဘုရားသည် တစ်ဆူအပါအဝင်ဖြစ်သည်။

သမိုင်းကြောင်း
***********
ဒေဝါနံပိယတိဿမင်းကြီးသည် သာသနာပြန့်ပွားစေရန် အလို့ငှာ မဟိန္ဒမထေရ်နှင့် တိုင်ပင်ပြီး ရုပ်ပွားတော် လေးဆူသွန်းလုပ်စေတယ်။ ရုပ်ပွားတော်တစ်ဆူစီမှာ လှည်းဘီးပုံဖောင်တစ်ခုစီ ခံစေပြီး အဓိဋ္ဌာန်ကာ သာသနာသက္ကရာဇ် ၂၃၇ခုတွင် ပင်လယ်မှ မျှောလိုက်တယ်။ ထိုရုပ်ပွားတော် လေးဆူစလုံး မြန်မာပြည်ထဲက အနယ်နယ်အရပ်ရပ်သို့ ဆိုက်ကပ်တယ်။ ကျိုက်ထိုမြို့မှ ကျိုက်ပေါလောမှဲ့ရှင်ဘုရား၊ မွန်ပြည်နယ်ရှိ ကျိုက္ခမီရေလယ်ဘုရား၊ ပုသိမ်မြို့ရှိ ရွှေမုတ္တောဘုရားနှင့် ထားဝယ်မြို့မှ ရှင်မုတ္ထီးဘုရား တို့ ဖြစ်ကြတယ်။

ရှင်မုတ္ထီးဘုရား ဖြစ်လာမယ့် ရုပ်ပွားတော်ဟာ ပင်လယ်ရေစီးအတိုင်း မျောလာပြီး ထားဝယ်မြစ်အတွင်းက မြစ်လယ်သောင်ခုံမှာ ဆိုက်နားတယ်။ မင်းစောသီလမှ သတင်းကြားသဖြင့် သွားရောက်ပင့်ဆောင်ရာ မရရှိခဲ့ပေ။ ထိုမှတဖန် စော်ချောင်းအတွင်း သေတစ်ရွာကမ်းစပ်နားမှာ ဆိုက်ကပ်ပြန်တယ်။ ဆင်းတုတော်ကို မည်သူမျှ ပင့်မရပြန်ပေ။ သေတစ်ရွာနေ သီလရှင် မယ်အေသီ ပင့်မှပဲ ကုန်းပေါ်သို့ ဆယ်လို့ရတော့တယ်။ မင်းစောသီလက သတင်းကြားကြားချင်း လိုက်လာကာ ဆင်းတုတော်အတွက် သိမ်တန်ဆောင်းများ ဆောက်လုပ် လှူဒါန်းတယ်။

သက္ကရာဇ် ၇၇၉ခုမှာ အင်းဝဘုရင် ပထမမင်းခေါင်၏ သားတော်တစ်ပါးမှ မုတ္တသုခမြို့ဆိုပြီး မြို့သစ်တည်ထောင်ပြီး စိုးစံတော်မူတယ်။ အဲ့သည့်နောက်ပိုင်းမှာ ရှင်မုတ္ထီးဘုရားရယ်လို့ ဘွဲ့နာမည်သစ် ပြောင်းလဲခေါ်ဝေါ်လာခဲ့တာ ယနေ့တိုင်အောင်ပါပဲ။

ဗဟုသုတအနေနဲ့ မူလရှင်မုတ္ထီးရုပ်ပွားတော်ကို လက်ရှိဖူးနေရတဲ့ ရှင်မုတ္ထီးရုပ်ပွားတော်ရဲ့ ပလ္လင်အောက်ထဲမှာ ထည့်မြှုပ်ဌာပနာထားတယ်လို့ သိရတယ်။
—————————
ရှင်ဥသြ
***********

ရှင်ဥသြဘုရားသည် ထားဝယ်မြို့၊ ပိန္နဲတောရပ်၊ ရွှေကျောင်းကြီး ကျောင်းဝင်းအတွင်း တည်ရှိပါသည်။ မင်းရှင်ဇော်သည် သက္ကရာဇ် (၁၁၂၂) ခုနှစ်တွင် လက်ရှိ ပိန္နဲတောရပ်၊ ရွှေကျောင်းကြီးနေရာ၌ နန်းတော် တည်ဆောက်ကာ နန်းစံပြီး ရွှေတောင်စားမင်းဟုလည်း အမည်တွင်သည်။ နန်းတော်နှင့် တပြိုင်တည်း နန်းဦးဘုရား ကိုတည်၍ ရှင်ဥသြ ဟုဘွဲ့တော်ပေးခဲ့သည်။ မင်းရှင်ဇော် (သို့) ရွှေတောင်စားမင်းသည် သက္ကရာဇ် (၁၁၂၄) ခုနှစ်တွင် ရွှေတောင်စားစေတီကို တည်သဖြင့် ရှင်ဥသြသည် ရွှေတောင်စား စေတီထက် (၂)နှစ် စောသည်ဟု ဆိုနိုင်ပါသည်။

သမိုင်းကြောင်း
*****************

ပိန္နဲတောရပ်ရှိ ရွှေကျောင်းကြီးဝန်း အတွင်းမှာ ရှိပါတယ်။ သက္ကရာဇ် ၁၁၂၂ခုမှာ မင်းရှင်ဇော်ဟာ နန်းတော်နှင့်တကွ နန်းဦးစေတီကို တပြိုင်တည်း တည်ဆောက်စေခဲ့တယ်။ ၄နှစ်ကြာပြီးနောက်မှာ နန်းဦးစေတီ ဖောင်ရစ်ထိ ပြီးစီးတယ်။ ဖြစ်ချင်တော့ ထိုနှစ် သက္ကရာဇ် ၁၁၂၆ခုမှာ ဆင်ဖြူရှင်မင်းရဲ့ စစ်တပ်ဟာ ယိုးဒယားကို ချီတက်ရင်း လမ်းကြောင်းပေါ်မှာရှိတဲ့ မြို့၊ ရွာတွေကို တိုက်ခိုက်သိမ်းပိုက်သွားတယ်။ မြိတ်၊ ထားဝယ် နှင့် အခြားတနင်္သာရီတိုင်းထဲက ဒေသ အတော်များများ ပါသွားတယ်။ မင်းရှင်ဇောလည်း သူ့ရဲ့ ဆောက်လက်စ နန်းတော်နှင့် စေတီကို ဗိုလ်မှူးနော်ရထာကို အပ်လိုက်ရတာပေါ့။

မင်းရှင်ဇောက နန်းကျဘုရင်ဖြစ်သွားတဲ့အတွက် နန်းတော်ထဲမှာ နေခွင့်မရှိတော့ဘူး။ သည်တော့ နန်းတော်ကို ရွှေကျောင်းကြီးကျောင်းတော် အဖြစ် ရေစက်ချ လှူဒါန်းလိုက်တယ်။ တည်လက်စ နန်းဦးစေတီကိုတော့ မင်းရှင်ဇောပဲ အပြီးထိ တည်ခွင့်ရခဲ့တယ်။ ရွှေကျောင်းကြီးဝန်းအတွင်မှာ နန်းဦးဘုရားဖြစ်တဲ့ ရှင်ဥသြ ဘွဲ့အမည်ရ ရုပ်ပွားတော် တစ်ဆူ ကိန်းဝပ်စံပယ်နေတာကို ဖူးမျှော်နိုင်ပါတယ်။
———————

ရှင်တောက်ထိန်
*************

ရှင်တောက်ထိန်စေတီတော်သည် ထားဝယ်မှ မောင်းမကန် သွား ကားလမ်းမကြီး နံဘေး ကမြောကင်းရွာ တွင်တည်ရှိပါသည်။

သမိုင်းကြောင်း
************

ကောဇာသက္ကရာဇ် (၁၀၃)ခုနှစ်တွင် ဦးဖိုးတုတ်+ဒေါ်စောသီးတို့ ဇနီးမောင်နှံသည် ယင်းနေရာတွင် တောင်ယာလုပ်ကိုင်ရင်း မြေတူးဆွရာမှ ရုပ်ပွားတော်၏ ဦးခေါင်းတော်ကို ပေါက်တူးဖြင့်ခိုက်မိ၍ တူးဖော်သောအခါ ဦးခေါင်းတော်ပိုင်း ပေါ်ထွက်လာသည်ဟု သိရှိရပါသည်။ ဦးဖိုးတုတ်+ ဒေါ်စောသီး ဇနီးမောင်နှံနှင့် ကမြောကင်းရွာသူ ရွာသားတို့ ပူးပေါင်း၍ ရုပ်ပွားတော် ပေါ်လာသည်အထိ မြေများ ဖယ်ရှားကာ တူးဖော်ခဲ့ကြပါသည်။ ရွာသူ ရွာသားတို့သည် ဤဘုရားကို မြေပေါက်ဘုရား (ပေါ်တော်မူဘုရား) ဟု၍လည်း ခေါ်ဆိုခဲ့ပါသည်။ ရုပ်ပွားတော်သည် ရုပ်ရှင်တော်ဖြစ်သည်ဟုလည်း သိရှိရသည်။ အဓိဋ္ဌာန်ဝင်သူအချို့ ပြောပြချက်အရ ရုပ်ပွားတော်သည် မျက်တောင်ခတ်ခြင်း၊ ပြုံးတောင်မူခြင်း၊ ဉာဏ်တော်သည် အဖြေးဖြေး ကြီးလာပြီး ယခုအခါတွင် ဉာဏ်တော်အမြင့် ၅ပေ ၆လက်မ ခန့် ရှိနေပြီ ဖြစ်သည်ဟုသိရပါသည်။

ရုပ်ပွားတော်ရဲ့ ထူးခြားချက်က စတင်တွေ့ရှိချိန်က အတိုင်းအတာထက် တဖြည်းဖြည်း ကြီးထွားလာခြင်းပါပဲ။ လက်ရှိဥာဏ်တော်မှာ ၅ပေ ၆လက်မ ထိ ရှိလာပြီ ဖြစ်တယ်။ သွားရောက် ဖူးမျှော်ကြည့်မယ်ဆိုရင် ရုပ်ပွားတော်ရဲ့ မျက်နှာတော်ဟာ အင်မတန် အသက်ဝင်တာကို တွေ့ရပါလိမ့်မယ်။
————————

ရှင်ပင်ခရု
********

ရှင်ခရုစေတီတော်သည် ထားဝယ်မြို့၊ ကရပ်ပြင် (တောင်)ရပ်၊ ရပ်ဘုရား-ရွာဘုရား ဖြစ်သည်။ ရှင်ပင်ခရုစေတီဟာ မင်းဆွေမင်းမျိုးတွေ တည်ခဲ့တာ မဟုတ်ဘဲ သာမန်အရပ်သူ၊ အရပ်သားများ စုပေါင်း တည်ခဲ့ကြတဲ့ ရပ်ဘုရား၊ ရွာဘုရားတစ်ဆူ ဖြစ်တယ်။

ဘုရားတည်ရှိသောနေရာတွင် ထားဝယ်အခေါ် ရှားပင် (ခရေပင်) နှစ်ပင် ညီနောင် ပေါက်ရောက်စည်ပင်ခဲ့ရာ ထိုခရေပင်နှစ်ပင် အလယ်တွင် ဧရာမခရုကြီးတစ်ကောင် ပေါ်လာရာမှ ခရုခွံပေါ်တွင် စေတီတည်ခဲ့သည်ဟု သိရပါသည်။ ရှားပင် (ခရေပင်) နှစ်ပင်နှင့် ခရုပေါ်မှဘုရား ဟူ၍ ရှားပင်ခရု ဘုရားဟု ခေါ်လာရာမှ ရှင်ပင်ခရုဘုရား ဟူ၍ အမည်တွင်လာသည်ဟု ဆိုးရိုးရှိပါသည်။

သမိုင်းကြောင်း
***********

ရှင်ပင်ခရုလို့ နာမည်တွင်လာပုံက သည်လို။ မူလက သည်နေရာမှာ ထားဝယ်အခေါ် ရှားပင်ညီနောင် (ခရေပင်နှစ်ပင်) ရှိတယ်။ ရှားပင်ညီနောင် အလယ်မှာ ကြီးမာလှတဲ့ ခရုကြီးတစ်ကောင်ကို တွေ့ကြတယ်။ ရှားပင်ညီနောင်ကြားက ခရုကြီး တွေ့ခဲ့တဲ့နေရာမှာ စေတီတည်မိတာကို အကြောင်းပြုပြီး ရှားပင်ခရုစေတီလို့ ခေါ်ကြတယ်။ နောက်တော့ ရှင်ပင်ခရုစေတီ ဖြစ်သွားတယ်။ တစ်ခါတော့ ဘုရားပွဲကျင်းပဖို့ဆိုပြီး ဇာတ်စင်ဆောက်ကြတာ သက်တမ်းရင့်နေပြီဖြစ်တဲ့ ခရေပင်ညီနောင်ရဲ့ ကိုင်းတွေကို ချိုင်ခြင်း၊ ဖြတ်ခြင်း လုပ်ကြတယ်။ အဲ့သည့်ဒဏ်နဲ့ပဲ ခရေပင်ညီနောင်က သေသွားရော။

ရှင်ပင်ခရုစေတီကို ဂုဏ်သတင်း ကျော်ကြားလာစေတဲ့ ဖြစ်ရပ်နှစ်ခု ရှိခဲ့တယ်။ ပထမဖြစ်ရပ်က ၁၉၉၆ခု၊ မတ်လ၊ ၂၆ရက်နေ့ မွန်းလွဲ ၁နာရီကျော်မှာ ဖြစ်တာပါ။ တောင်ကရပ်ပြင်မှာ မီးအကြီးအကျယ်လောင်တယ်။ ရပ်ကွက်တစ်ခုလုံး မီးလောင်ပြာကျခဲ့ပေမယ့် ရှင်ပင်ခရုစေတီ ဘုရားပရဝုဏ်တစ်ခုလုံး မီးမခဘဲ ကွင်းရှောင်ပြီးလောင်သွားတာ။ ဒါကြောင့် မီးမခဘုရားရယ်လို့ ဂုဏ်သတင်း ကြီးခဲ့တယ်။

ဒုတိယ အဖြစ်အပျက်က ၂၀၀၅ခု၊ စက်တင်ဘာလ၊ ၃၀ရက် ညသန်းခေါင်ယံမှာ ဖြစ်တာ။ သူခိုးတစ်ယောက်က စိန်ဖူးတော် တက်ခိုးတယ်။ သူခိုးကော၊ စိန်ဖူးတော်ကော ပြုတ်ကျပြီး သူခိုးက သတိလစ်သွားတယ်။ သတိရတော့ သူခိုးက စိန်ဖူးတော်ကို မကောက်တော့ဘဲ ဆိုင်ကယ်နဲ့ ပြေးတာ အာဇာနည်လမ်းပေါ်မှာ နောက်တစ်ခါ သတိလစ်ပြန်တယ်။ နောက်နေ့ နံနက် ၆နာရီမှာ စိန်ဖူးတော်ပျောက်မှန်း သိကြတယ်။ ရှာကြည့်တော့ စိန်ဖူးတော်က မြေကြီးပေါ်မှာ။ ဘုရားဖူးလာတဲ့လူတစ်ယောက်က လူတစ်ယောက် အာဇာနည်လမ်းမှာ သတိလစ်နေတယ်လို့ သတင်းပေးတယ်။ သူ့ကို စစ်ဆေးကြည့်မှ စိန်ဖူးတော် ခိုးသူမှန်း ပေါ်တော့တယ်။ သူ့ရဲ့ ဖြောင့်ဆိုချက်အရ စိန်ဖူးတော် ဖြုတ်နေတုန်း လူမဲကြီး ပေါ်လာပြီး စေတီပေါ်ကနေ တွန်းချခဲ့လို့ ပြုတ်ကျပြီး သတိလစ်ခဲ့ကြောင်း၊ သတိရလို့ ဆိုင်ကယ်စီး ထွက်ပြေးနေရင်း အာဇာနည်လမ်းပေါ်မှာ နောက်တစ်ကြိမ် သတိလစ်ရာမှ အဖမ်းခံရကြောင်း သိရတယ်။ အခြားစေတီ လေးဆူကနေပြီး စိန်ဖူးတော်တွေ ခိုးခဲ့ဖူးကြောင်းပါ တစ်ခါတည်း ထွက်ဆိုသွားတယ်တဲ့။ ဒါ့ကြောင့် မီးကွင်းသောဘုရား၊ သူခိုးဖမ်းပေးသောဘုရားဆိုပြီး နာမည်ကြီးခဲ့တယ်။
ရှင်ဥသြ

ရှင်ဥသြဘုရားသည် ထားဝယ်မြို့၊ ပိန္နဲတောရပ်၊ ရွှေကျောင်းကြီး ကျောင်းဝင်းအတွင်း တည်ရှိပါသည်။ မင်းရှင်ဇော်သည် သက္ကရာဇ် (၁၁၂၂) ခုနှစ်တွင် လက်ရှိ ပိန္နဲတောရပ်၊ ရွှေကျောင်းကြီးနေရာ၌ နန်းတော် တည်ဆောက်ကာ နန်းစံပြီး ရွှေတောင်စားမင်းဟုလည်း အမည်တွင်သည်။ နန်းတော်နှင့် တပြိုင်တည်း နန်းဦးဘုရား ကိုတည်၍ ရှင်ဥသြ ဟုဘွဲ့တော်ပေးခဲ့သည်။ မင်းရှင်ဇော် (သို့) ရွှေတောင်စားမင်းသည် သက္ကရာဇ် (၁၁၂၄) ခုနှစ်တွင် ရွှေတောင်စားစေတီကို တည်သဖြင့် ရှင်ဥသြသည် ရွှေတောင်စား စေတီထက် (၂)နှစ် စောသည်ဟု ဆိုနိုင်ပါသည်။
—————————

ရှင်ဓါတ်ဝဲ
*******

ရှင်ဓါတ်ဝဲစေတီတော်သည် ထားဝယ်မြို့နယ်၊ မောင်မယ်ရှောင်ရွာ၊ ထားဝယ်-ရန်ကုန် ကားလမ်းနံဘေးတွင် တည်ရှိသည်။ဘုရားပွဲတော်ကို နှစ်စဉ် တပို့တွဲလပြည့်နေ့တိုင်းမှာ ကျင်းပကြတယ်။

သမိုင်းကြောင်း
***********

ရှင်အရဟံမထေရ်မြတ်ဟာ ပုဂံမှာ ဗုဒ္ဓသာသနာ ပြန့်ပွားစေပြီးနောက် အခြားတိုင်းဒေသတွေကိုလည်း သာသနာပြု ထွက်ခဲ့ပါတယ်။ ဘုရားဒယိကာ ဖြစ်နိုင်မယ့် သူတွေထဲမှာမှ မောင်ဇံနှင့် မယ်ဇော ကို ဈာဉ်တန်ခိုးနဲ့ ဆင်ခြင်မိတယ်။ မောင်ဇံနှင့်မယ်ဇောကို ရှင်ဇံနှင့် ရှင်ဇောလို့လည်း ခေါ်ကြတယ်။ သူတို့က အမြွှာမောင်နှမတွေပါ။ အမြွှာမောင်နှမရဲ့ မွေးဖွားလာခဲ့ပုံက တမျိုးဆန်းကြယ်တယ်။

အရင်တုန်းက မောင်နွားဆိုတဲ့ မုဆိုးကြီးတစ်ဦး ရှိခဲ့တယ်။ မုဆိုးကြီးဟာ ဂိရိပစ္စယရသေ့ကြီးရဲ့ တရားတွေ နာပြီးနောက်မှာ မုဆိုးအလုပ်ကို စွန့်လွှတ်ပြီး ရသေ့ဝတ်ခဲ့တယ်။ ဘွဲ့နာမည်က ဂေါဝိန္ဒရသေ့ တဲ့။ ဆရာဖြစ်သူ ဂိရိပစ္စယရသေ့ကြီးထံမှာ တရားထိုင်နည်းတွေ သင်ယူပြီးတော့ ဖိုးသူတော်ကွာစိနှင့်အတူ ဣသိန္ဒြတောင်မှာ ပြောင်းရွှေ့သီတင်းသုံးတယ်။ နောက်တော့ ဂေါဝိန္ဒရသေ့ကြီး အမှီအခိုပြု နေထိုင်တဲ့တောင်ဖြစ်လို့ မှီအုံးတောင်ဟု ပြောင်းလဲခေါ်လာကြတယ်။

ဂေါဝိန္ဒရသေ့ဟာ မှီအုံးတောင် အနီးအပါးက ရွာတွေမှာ ဆွမ်းခံကြွလေ့ရှိတယ်။ ရလာတဲ့ ဆွမ်းတွေကို ဝေဿဝဏ္ဏတောင်စပ်မှာ ရှိတဲ့ ရေကန်မှာ ဆွမ်းဘုန်းပေးလေ့ရှိသလို ထိုကန်ထဲမှာပဲ ရေချိုးသုံးသပ်လေ့ရှိပါတယ်။ ရေကန်ထဲမှာ နတ်သမီးဘဝကနေ ငါးခုံးမဖြစ်လာတဲ့ ငါးမကြီးတစ်ကောင် နေထိုင်တယ်။ ဖြစ်ချင်တော့ ငါးခုံးမက ဂေါဝိန္ဒရသေ့ရဲ့ အညစ်အကြေးကို စားမိရာကနေ ကိုယ်ဝန်ရသွားတယ်တဲ့။ အချိန်တန်တော့ ရေကန်စပ်မှာ အမြွှာလူသားကလေး မွေးဖွားပြီး သေဆုံးသွားတယ်။ သားသမီးကို စိတ်မချသဖြင့် မကျွတ်နိုင်ဘဲ ဂေါဝိန္ဒရသေ့ကို ညတွင်းချင်းပဲ အမြွှာကလေးနှစ်ယောက်အကြောင်း အိမ်မက်ပေးလေတော့တယ်။ ဂေါဝိန္ဒရသေ့ဟာ အိမ်မက်ကြောင့် နိုးလာပြီး အမြွှာကလေးနဲ့ ငါးခုံးမသေကို ကန်စပ်ကနေ သွားရောက် ယူဆောင်လာခဲ့တယ်။ ငါးခုံးမသေကို အခြောက်လှမ်းပြီးတော့ သားရိုး၊ သစ်စေးတို့ဖြင့် မံကာ ရွှေချပြီး အသမ္ဘိန္နဓာတ်ရိုက်ကာ သိမ်းထားလိုက်တယ်။ သည်လိုနဲ့ အမြွှာကလေးနှစ်ယောက်ဟာ ရသေ့ကြီးနှင့် ဖိုးသူတော်တို့ စောင့်ရှောက်မှုဖြင့် လူလားမြောက်လာခဲ့တယ်။

အစောက ဇာတ်ကြောင်းကို ဆက်ရရင် ရှင်အရဟံမထေရ်ဟာ မောင်ဇံနှင့် မယ်ဇောရှိရာ မှီအုံးတောင်သို့ ကြွချီကာ ငါးပါးသီလခံယူစေပြီး သရဏဂုဏ် တည်စေတယ်။ ပြီးမှ မြတ်စွာဘုရားကိုယ်စား ကိုးကွယ်နိုင်ရန် အလို့ငှာ ဓာတ်တော်တစ်ဆူ ချီးမြင့်တော်မူတယ်။ မြတ်စွာဘုရား၏ စွယ်တော်ပွားလို့ ဆိုသလို အချို့က ဆံတော်လို့လည်း ဆိုကြတယ်။ ဓာတ်တော် တစ်ဆူနှင့် မောင်နှမနှစ်ယောက် သူရသင့် ငါရသင့် အငြင်းပွားနေလို့ ရှင်အရဟံမထေရ်က သူပေးခဲ့တဲ့ဓာတ်တော်ကို အဓိဌာန်ပွားပြီး ၂ဆူချီးမြင့်မှပဲ ကိစ္စက ပြတ်တော့တယ်။

ဂေါဝိန္ဒရသေ့ ကျွေးမွေးထားသော မောင်ဇံ၊ မယ်ဇော မောင်နှမ နှစ်ဦးထဲမှ မောင်ဇံသည် မိမိရရှိသည့် ဗုဒ္ဓစွယ်တော်မြတ်ကို ဘုရားတည်သောအခါ ”ရှင်တောင်မြတ်စွာသည် အစိန္တေယျဂုဏ်ဖြင့် ပြည့်စုံတော်မူပေသည်။ ကိုယ်တော်မြတ်၏ စွယ်တော်ဓါတ်သည်လည်း မကြံစည်နိုင်သော အစိန္တေယျဂုဏ် နှင့်ပင် ပြည့်စုံရသော အကြောင်းရှိပေလိမ့်မည်။ ငါအလိုရှိအပ်သောအရပ်တွင် မတည်ပဲ စွယ်တော်ဓါတ်ညွှန်ပြရာ အရပ်၌သာ တည်ထားဌာပနာမည်” ဟု အဓိဋ္ဌာန်သစ္စာပြု၍ ကောင်းကင်သို့မြှောက်ရာ စွယ်တော် ဓါတ်မြတ်သည် သေဿသဏ္ဏကုန်းစပ် နတ်ရေကန်အပေါ်၌ ပျားပိတုန်းကဲ့သို့ ပျံဝဲလျက် တည်လေသည်။ ယင်းနေရာ၌ ဘုရားတည်ပြီးလျှင် ဓါတ်တော်ဝဲသည်ကို အစွဲပြု၍ ရှင်ဓါတ်ဝဲ ဟု သမုတ်လေသည်။ နောင်အခါ အခေါ်ပျက်ပြားသဖြင့် ရှင်ဓားဝယ်ဘုရား ဟု၍ အချို့ခေါ်ဆိုကြပါသည်။

သားရိုးကိုင်ထားတဲ့ ငါးခုံးမကိုတော့ အစဉ်အဆက် ထိန်းသိမ်းစောင့်ရှောက်ထားပြီး တပို့တွဲလပြည့်နေ့မှာ ကျင်းပတဲ့ ရွှေသာလျောင်းဘုရားပွဲမှာ အများသူငါ ကြည့်ရှုနိုင်အောင် ပြသပေးထားပါတယ်တဲ့။
————————————

ရှင်ဇလွန်
*******

ရှင်ဇလွန်စေတီတော်သည် ထားဝယ်မြို့မှ ကမြောကင်း ရွာကိုဖြတ်၍ ခံတောရွာကိုပါ ဖြစ်ကျော်ပြီး ထားဝယ်မြို့မှ (၇)မိုင်ခန့်ဝေးသော လောင်းလုံးမြို့နယ်၊ မြို့ဟောင်းကျေးရွာ (ရှေးအခေါ်) သာဂရမြို့ ထားဝယ်မြစ် အနောက်ဘက်ကမ်းတွင် တည်ရှိသည်။ ရှင်ဇောက ဓါတ်တော်ပွားကို ရရှိပြီး ရှင်ဇလွန်ဘုရားကို တည်ထားကိုးကွယ်ခဲ့ကာ ”ရှင်ဇလွန်” ဟု ဘွဲ့တော် သခဲ့ပါသည်။

သမိုင်းကြောင်း
************

မောင်ဇံနှင့် မယ်ဇော အမြွှာမောင်နှမထဲက မယ်ဇော တည်ထားတဲ့ စေတီပါ။ နှမဖြစ်သူမယ်ဇောဟာ သူရရှိတဲ့ ဓာတ်တော်ကို ထားဝယ်မြစ် အနောက်ဖက်ကမ်းမှာရှိတဲ့ စေတီဟောင်းတစ်ဆူမှာပဲ ဌာပနာခဲ့တယ်။ ထိုစေတီဟောင်းရဲ့ ဌာပနာတိုက်ထဲမှာ မြတ်ဗုဒ္ဓ အသုံးပြုခဲ့တဲ့ မြသလွန် ရှိတယ်လို့ သိရတယ်။ မူလစေတီဘွဲ့အမည်က ရှင်သလွန်စေတီ ပါ။ နှစ်ကာလ ကြာတော့ ရှင်သလွန်ကနေ ရှင်ဇလွန်စေတီ ဖြစ်သွားပါတယ်။

Credit- မူရင်းရေးသားသူ

Leave a Reply

Your email address will not be published. Required fields are marked *