Knowledge

မေတ္တာသုတ် အဓိဋ္ဌာန်ဝင်ချင်သူများအတွက်

Written by W K

၁။ နံနက် စောစောထ ၍ ကိုယ်လက် သန့်စင်ပြီးလျှင် ဘုရားရှင်ရှေ့တော်မှောက် ၌ ငါးပါးသီလ ခံယူပါ။

၂။ ထို့နေ့အတွက် မေတ္တသုတ်ကို (၁၀၈) ခေါက် အဓိဋ္ဌာန်ဝင်ခွင့်ပြုပါရန် ဘုရားရှင်ထံ လျှောက် ထား ခွင့်ပန်ပါ။

၃။ ခွင့်ပန်ထားသည့်အတိုင်း အောင်မြင်အောင် ကျင့်ဆောင်မည်ဖြစ်ပါကြောင်း ဘုရားရှင်ထံ၌ ကတိပေး လျှောက်ထားပါ။

၎။ သမန္တာ စက္ကဝါဠေသု မှစ၍ ရွတ်ဆိုပြီး နတ်ဗြဟ္မာ တို့အား ပရိတ်တရားနာ ကြွပါရန် ဖိတ်ကြားပါ။

၅။ ကရဏီယမတ္ထကုသလေနမှစ၍ မေတ္တသုတ် ပရိတ်တော်ကို စတင် ရွတ်ဖတ် ပူဇော်ပါ။

လိုက်နာ ဆောင်ရွက်ရန်

နေ့စဉ် (၁၀၈) ခေါက်နှုန်းဖြင့် ရက်ပေါင်း (၁၀၈) ရက်
အဓိဋ္ဌာန် ဝင်ရမည် ဖြစ်ပါသည်။ နေ့စဉ် (၁၀၈) ခေါက်
ကို ဘုရားရှေ့၌ တစ်ထိုင်တည်း အချိန်မပေးနိုင်ပါက
နောက်နေ့မကူးမီ( တစ်နေ့တာအတွင်း ရသော အချိန်
များတွင်) ရွတ်ဖတ်ပူဇော်နိုင်ပါသည်။ ဥပမာ-နံက်စော
စော ဘုရားရှေ့၌ အနည်းဆုံး (၉) ခေါက် ရွတ်ဆိုပူဇော်
ပြီး ကျန်သော အရေအတွက်ကို လမ်းသွားရင်း အလုပ်
လုပ်ရင်း ရွတ်ဖတ်နိုင်ပါသည်။ သို့သော် အဆုံးသတ်၊
(၉) ခေါက်ကိုမူ ဘုရားရှေ့၌သာ ရွတ်ဆိုပူဇော်ရန် ဖြစ်ပါ
သည်။ နေ့စဉ် (၁၀၈) ခေါက် အဓိဋ္ဌာန်အောင်မြင်သွား
တိုင်း မေတ္တာပို့ရမည် ဖြစ်ပါသည်။

မေတ္တာပို့သည့်အခါ … မေတ္တာပို့ရမည့် ပုဂ္ဂိုလ်များတွင်
အမုန်းဆုံးပုဂ္ဂိုလ်နှင့် အချစ်ဆုံးပုဂ္ဂိုလ်(ရည်းစား၊ခင်ပွန်း
ဇနီးနှင့် ကွယ်လွန်သူ) တို့ကို နောက်ဆုံးမှသာ မေတ္တာ
ပို့ရပါမည်။

ကိုယ်စောင့်နတ် အိမ်စောင့်နတ် ရုက္ခစိုးနတ် ဘုမ္မစိုးနတ်
အာကာသစိုးနတ် သာသနာတော်စောင့်နတ်များကို လည်း
ကောင်း၊ ဥစ္စာစောင့်များနှင့် ပြိတ္တာများကို လည်းကောင်း အစဉ်
အတိုင်း မေတ္တာပို့ရမည်။ ပြီးလျှင် ကျေးဇူးရှင် မိဘများ ကျေးဇူး
ရှိဖူးသော ပုဂ္ဂိုလ်များကိုလည်း အစဉ်အတိုင်း မေတ္တာပို့ရမည်။
အဆိုပါ ပုဂ္ဂိုလ်တို့အား အာရုံထဲပေါ်လာတဲ့အထိ စူးစိုက်၍
အောက်ပါနည်းဖြင့် မေတ္တာပို့နိုင်ပါသည်။

ဥပမာ-ကိုယ်စောင့်နတ် ကျောင်းစောင့်နတ် အိမ်စောင့်နတ်
ရုက္ခစိုး ဘုမ္မစိုး အာကာသစိုးနတ်မင်းနှင့်တကွ သာသနာ
တော်စောင့် နတ်မင်းအပေါင်းတို့သည် …

ဘေးရန်ကင်း၍ ချမ်းသာကြပါစေ။

ကြောင့်ကြကင်း၍ ဝမ်းသာကြပါစေ။

လိုတိုင်းရ၍ တတိုင်းပြည့်နိုင်ကြပါစေ။

ဟူ၍ မေတ္တာပို့ပေးရပါမည်။

၆။ ယင်းနည်းလမ်းအတိုင်း အစဉ်လိုက် မေတ္တာပို့ပြီးသွား
သောအခါ ဝေနေယျသတ္တဝါအားလုံးတို့ကို ထို့နေ့ပြုသမျှ
ကုသိုလ်အဖို့ဘာဂကို အမျှပေးဝေရပါမည်။

၇။ ထို့ကဲ့သို့ အမျှပေးဝေပြီး နောက်ဆုံး၌ မိမိအဓိဋ္ဌာန်ကို သစ္စာ
ပြု၍ လိုရာဆုကို တောင်းရမည်။ ( အဓိဋ္ဌာန်ကာလအတွင်း တစ်
မျိုးတည်းသော ဆုကိုသာ တောင်းရမည်)

အချိန်မပေးနိုင်သူများ အလုပ်မအားလပ်သူများအနေဖြင့်(၁၀၈)
ခေါက် အဓိဋ္ဌာန် မဝင်နိုင်ပါက မေတ္တသုတ်ပရိတ်တော်ကို နေ့စဉ်
(၉) ခေါက် အဓိဋ္ဌာန်ဖြင့် ပုံမှန် ရွတ်ဖတ်ပူဇော်နိုင်ပါကလည်း အကျိုး
ထူးများ ရစေနိုင်မည် ဖြစ်ပါသည်။

ဘဒ္ဒန္တ ကောသလ္လ
အဂ္ဂမဟာသဒ္ဒမ္မဇောတိကဓဇ
တွဲဖက်အကျိုးတော်ဆောင်၊တိုင်းသံဃနာယကအဖွဲ့
စံပြသာသနာပြုကျောင်းတိုက် မရမ်းကုန်းမြို့နယ် ၏
မေတ္တာအဓိဋ္ဌာန် စာအုပ်လေးမှ ကောက်နှုတ်ဖော်ပြပါ
သည်။

ဒီကနေ့ဟာ ဝါခေါင်လပြည့် မေတ္တာအခါတော်နေ့မို့
စိတ်ကိုလည်း အေးချမ်းစေ အကျိုးထူးလည်း ပေးစွမ်း
နိုင်သည်ဖြစ်၍ ဓမ္မမိတ်ဆွေ သူတော်စင်များအနေဖြင့်
ဓမ္မော ဟဝေ ရက္ခတိ ဓမ္မစာရီ၊ တရားဓမ္မကျင့်သုံးသော
သူကို တရားဓမ္မက ပြန်လည်စောင့်ရှောက်သည်ဟူသော
ယုံကြည်ချက်အတိုင်း မေတ္တာအဓိဋ္ဌာန်လေး စတင်ပြီး
ဝင်ကြည့်လိုက်ပါလား ။ ဘဝကို စိမ်းလန်းစေမဲ့အပြင်
စိတ်ကိုလည်း ငြိမ်းချမ်းစေပါလိမ့်မယ်။

Credit: ချမ်းမြေ့သာ အရှင်ဇောတိက

About the author

W K

Leave a Comment