Local News

ဆရာဝန်(၃)ဦး သေဆုံးခဲ့သည့်ယာဉ်တိုက်မှုမှ တစ်ဖက်ယာဉ်မောင်းလာရောက်အဖမ်းခံ

Written by W K

ဆရာဝန် (၃) ဦး သေဆုံးခဲ့သည့် ယာဉ်တိုက်မှု မှ ကွန်ကရစ်တိုင်များ တင်ဆောင်ထားသည့် ကား ၏ ယာဉ်မောင်း က ဇွန် (၁၁) ရက် ညပိုင်း က ဖျာပုံရဲစခန်းသို့ လာရောက်အဖမ်းခံခဲ့ကြောင်း ဧရာဝတီတိုင်းဒေသကြီး ၊ တိုင်းရဲတပ်ဖွဲ့မှူးရုံး မှ သိရသည် ။

ယမန်နေ့ ဇွန် ၁၁ ရက်နေ့၊ နံနက် ၃ နာရီဝန်းကျင်ခန့်က ဖျာပုံဆေးရုံမှ ဆရာဝန် ၆ ဦးပါသည့်ကားမှ ဖျာပုံမြို့နယ်၊ ဖျာပုံ-ကျိုက်လတ်လမ်းရှိ ချောင်းတွင်းတံတားတွင် ကွန်ကရစ်ဓာတ်တိုင်များတင်ပြီး ရပ်ထားသည့် (၁၀)ဘီးကားအား နောက်မှ ဝင်တိုက်မိခဲ့ပြီး ဆရာဝန် ၃ ဦး သေဆုံးခဲ့ခြင်း ဖြစ်သည်။

ယာဉ်တိုက်မှု ဖြစ်စဉ်
“ပညာပေးကတော့ မှုခင်းကျဆင်းရေးဆောင်ရွက်ရင်နဲ့ တံတားတွေ၊ လမ်းတွေမှာ မလွတ်မကင်း မရပ်ထားဖို့ ၊ ညအမှောင်တွေမှာ ရောင်ပြန်ကပ်ပြီး ရပ်ဖို့ ကျွန်တော်တို့ အမြဲပြောတယ်။ ပြည်သူလူထုအနေနဲ့ လိုက်နာဖို့တော့ လိုတာပေါ့၊ မိမိကြောင့် တခြားသူအန္တရာယ်ဖြစ်ရင် မကောင်းဘူးပေါ့” ဟု ဧရာဝတီတိုင်းဒေသကြီး၊ တိုင်းရဲတပ်ဖွဲ့မှူးရုံးမှ ဒုတိယရဲမှူးကြီးထွန်းရွှေက ပြောသည်။

ကွန်ကရစ်တိုင်များ တင်ဆောင်ထားသည့်.ယဉ်၏ ယာဉ်မောင်း ဦးသန့် ဇော်(ခ)ဝဏ္ဍအား ဖျာပုံမြို့မရဲစခန်းတွင် ယာဉ် ပနံပတ်၃၆/၂၀၁၉ဖြင့် ရာဇသတ်ကြီးပုဒ်မ ၃၀၄-က၊ ၃၃၇၊ ၃၃၈တို့ ဖြင့် အမှုဖွင့်အရေးယူထားကြောင်း သိရှိရသည်။

“ယာဉ်စည်းကမ်း၊ လမ်းစည်းကမ်းက ထိထိရောက်ရောက်လုပ်ဖို့ လိုနေတယ်ပေါ့။ မြို့နယ်တိုင်းမှာ ဖြစ်နေတာပါ့။ ကျွန်တော်တို့အပိုင်းကလည်း သက်ဆိုင်ရာကို ထပ်ပြီး တိုက်တွန်းသွားဖို့ ရှိပါတယ်”ဟု ဖျာပုံမြို့နယ်၊ တိုင်းဒေသကြီးကိုယ်စားလှယ်ဦးဘိုဘိုမင်းဇော်က ပြောသည်။

ဓာတ်ပုံ – ကျော်စိုးမိုး
ယာဉ်တိုက်မှုတွင် ကွန်ကရစ်ဓာတ်တိုင်များမှာ ကားနောက်မှန်အထိ ထိုးဝင် ပေါက်ထွက်သွားပြီး ယာဉ်မောင်း ဒေါက်တာဝေယံမျိုးထက်၊ ဒေါက်တာ အေးမြတ်သူနှင့် ဒေါက်တာ ပန်ဂျာထွယ်တို့သေဆုံးခဲ့၍ ကားပေါ်တွင် အတူစီးနင်းလိုက်ပါလာသော ဒေါက်တာနေမျိုးစု ၊ဒေါက်တာ လှမျိုးသူနှင့် ဒေါက်တာ နှင်းအိစိုးတွင် ထိခိုက်ဒဏ်ရာများ ရရှိခဲ့ခြင်းဖြစ်သည်။

လက်ရှိတွင် အဆိုပါ ယာဉ်တိုက်မှုဖြစ်စဉ်နှင့်ပတ်သက်ပြီး ရဲတပ်ဖွဲ့ မှ အမှုဖွင့် ဆောင်ရွက်မည်ဖြစ်ကြောင်း သိရှိရသည်။

Source: Mizzima

About the author

W K

Leave a Comment